SUTILES Coronae

SUTILES Coronae

dictae sunt, quatum flores, unde necterentur, consui solebant; antiquissimi apud Romanos usus, ut qui eas in Saliorum sacris a primis temporibus adhibuêre et in Saliaribus dapalibusque exhibuêre: ad rosaria inde transeuntes, imô procedente luxu, ad mera harum folia, Plin. l. 21. c. 3. Ad consuenda autem et concinnanda sic folia, necesse fuit ea prius probe macetari, ut manum artificis, et puncturas, quibus necterentur, pati possent, uti discere est ex Apicio Rei Culin. c. 1. ubi folia rosarum huic sini destinatarum, septem diebus in vino macerari consuevisle, legas. Nempe primitus toti flores, dein rosae solum, sed et illae totae, inserebantur sutilibus, tandem eo luxuria processit, ut non esset gratia, nisi mero folio. Quô pactô omnis tum harum coronarum decor videtur constitisle artifice quâdam suturâ et foliorum mixtione: in quod artificium numerus florum innumerus congerebatur. Inde, in hoc coronamenti genus, acrem habes invectivam, apud Plut. Sympos. 3. Inprimis cum e pretiosioribus foliis nardi videl. aut veste Serica versicolores, unguentis madidas, dari placuit. Hinc Ovid. Fastor. l. 5. v. 335.

Tempora sutilibus pinguntur tecta coronis etc.

Vide Car. Paschalium Coronar. l. 1. c. 14. et supra ubi de Rosariis. Apud Val. haccum Sutilis Domus, occurrit l. 6. Argon. v. 81.

—— —— ibi sutilis illis

Est domus, et crudoresidens sub vellere coniux,

de qua vide Barthium Animadvers. ad Stat. Theb. l. 3. v. 585. Celebres inprimis SutilesNaves, apud priscos; in quibus suturas seu τὰ ῥάμματα, Homerus ςπάρτα II. β. v. 135. vocavit, uti docet Hesych. quae e lino, sparto, cannabe, loris quoque fieri solebant, ut videre est, apud Salmas. ad Solin. p. 263. De tunicis Sutilibus, dictum aliquid supra, in voce Suta.